వందే భారత్ రైలు టైమింగ్‌లో మార్పు: ప్రయాణికులు తప్పక చదవండి | DKTV తెలుగు
వందే భారత్ రైలు టైమింగ్‌లో మార్పు
తెలంగాణ మరియు ఆంధ్రప్రదేశ్ రాష్ట్రాలలో రైల్వే ప్రయాణికులకు ఒక ముఖ్యమైన సమాచారం. సికింద్రాబాద్ నుండి విశాఖపట్నం వందే భారత్ ఎక్స్‌ప్రెస్ ప్రయాణ టైంమింగ్ లో మార్పులు చేసారు .మాములుగా ఈ రైలు మధ్యాహ్నం 3. 0 గంటలకు బయలుదేరుతుం ది. కానీ మొంథా తుఫాన్ కారణముగా రైల్వే మార్గాల్లో నీరు నిలిచిపోవడం వల్ల, రైల్వే శాఖ ఈరోజు రైలు యొక్క సమయాన్ని మార్చింది. ఇప్పుడు ఈ రైలు రాత్రి 9 గంటలకు సికింద్రాబాద్ నుంచి బయలుదేరనుంది.
మొంథా తుఫాన్ తెలుగు రాష్ట్రాల్లో తీవ్ర ప్రభావాన్ని చూపింది. ముఖ్యంగా తెలంగాణలోని పలు జిల్లాలు నీటమునిగాయి. ఉమ్మడి వరంగల్ జిల్లాలో భారీ వర్షాలు కురవడంతో అనేక కాలనీలు నీటిలో మునిగిపోయాయి . రహదారులు, చెరువులు ఒకటే అయిపోయాయి. వేల ఎకరాల్లో పంటలు నీటిలో మునిగిపోయినాయి . రైతులు తీవ్ర ఆర్థిక ఇబ్బందులు ఎదుర్కొంటున్నారు. చేతికొచ్చిన పంట నీటిపాలవడంతో రైతులలో ఆవేదన వ్యక్తమవుతోంది.
ఈ తుఫాన్ ప్రభావం రైల్వే వ్యవస్థపైన కూడా తీవ్రంగా పడింది. పలు ప్రాంతాల్లో రైల్వే ట్రాక్‌లపై నీరు నిలిచిపోయింది. కొన్ని చోట్ల ట్రాక్‌లు కూడా కొట్టుకుపోయిన పరిస్థితి నెలకొంది. దాంతో రైల్వే అధికారులు భద్రతా కారణాల రీత్యా కొన్ని రైళ్లను రద్దు చేయగా, కొన్ని రైళ్ల టైమ్స్ మార్చారు. ఈ జాబితాలో సికింద్రాబాద్ నుండి విశాఖపట్నం వెళ్లే వందే భారత్ ఎక్స్‌ప్రెస్ కూడా ఉంది.
రైల్వే శాఖ తెలిపిన వివరాల ప్రకారం,(వందే భారత్ రైలు టైమింగ్‌లో మార్పు) ఈరోజు (శుక్రవారం) మధ్యాహ్నం 3 గంటలకు బయలుదేరాల్సిన వందే భారత్ రైలు రాత్రి 9 గంటలకు బయలుదేరనుంది. అంటే సుమారు 6 గంటల ఆలస్యం ఏర్పడింది. అధికారులు ఈ మార్పును గమనించి ప్రయాణికులు తమ ప్రణాళికలను సరిచేసుకోవాలని సూచించారు. స్టేషన్‌కు పాత సమయానికి కాకుండా, కొత్త షెడ్యూల్ ప్రకారం రావాలని విజ్ఞప్తి చేశారు.
వందే భారత్ ఎక్స్‌ప్రెస్ సాధారణంగా 8 గంటల 35 నిమిషాల వ్యవధిలో సికింద్రాబాద్ నుంచి విశాఖపట్నం వరకు 699 కిలోమీటర్ల దూరాన్ని కవర్ చేస్తుంది. ఈ రైలు మార్గమధ్యంలో వరంగల్, ఖమ్మం, విజయవాడ, రాజమండ్రి, సామర్లకోట వంటి ప్రధాన స్టేషన్లలో ఆగుతుంది. రీషెడ్యూల్ కారణంగా ఈ స్టేషన్లలో కూడా రాకపోక సమయాలు మారే అవకాశం ఉంది.
గురువారం రోజున కూడా ఇలాంటి పరిస్థితి తలెత్తింది. అప్పట్లో మధ్యాహ్నం 3 గంటలకు బయలుదేరాల్సిన రైలు రాత్రి 11.35 నిమిషాలకు సికింద్రాబాద్ నుంచి బయలుదేరింది. వరుసగా రెండు రోజులు రీషెడ్యూల్ కావడం వలన ప్రయాణికులు కొంత అసౌకర్యానికి గురవుతున్నారు. అయినప్పటికీ రైల్వే అధికారులు భద్రత ప్రాధాన్యంగా తీసుకుని నిర్ణయాలు తీసుకుంటున్నారు.
ప్రస్తుతం వరద నీరు తగ్గే వరకు పరిస్థితిని రైల్వే శాఖ పర్యవేక్షిస్తోంది. నీరు తగ్గిన తర్వాత ట్రాక్‌లు సరిచేయడం, సిగ్నల్ వ్యవస్థలు పునరుద్ధరించడం వంటి చర్యలు కొనసాగుతున్నాయి. అధికారులు ట్రాక్‌లను పూర్తిగా తనిఖీ చేసిన తర్వాతే రైళ్లను సాధారణ షెడ్యూల్ ప్రకారం నడపనున్నట్లు తెలిపారు.
ప్రయాణికులు ఈ మార్పును గమనించి,(వందే భారత్ రైలు టైమింగ్‌లో మార్పు) కొత్త సమయానికి అనుగుణంగా తమ ప్రయాణ ప్రణాళికలను మార్చుకోవాలి . రైల్వే శాఖ కూడా ఎప్పటికప్పుడు అధికారిక వెబ్‌సైట్ మరియు సోషల్ మీడియా ప్లాట్‌ఫారమ్‌ల ద్వారా తాజా సమాచారాన్ని పంచుతుంది. ప్రయాణానికి ముందు అధికారిక సమయాన్ని తప్పనిసరిగా తనిఖీ చేయాలని అధికారులు సూచిస్తున్నారు.
మరోవైపు మొంథా తుఫాన్ కారణంగా పలు జిల్లాల్లో రవాణా వ్యవస్థ స్తంభించింది. రహదారులు దెబ్బతినడంతో రవాణా దాదాపు నిలిచిపోయింది. విద్యుత్ సరఫరా అంతరాయం ఏర్పడింది. ప్రభుత్వ యంత్రాంగం సహాయక చర్యల్లో నిమగ్నమైంది. పునరావాస కేంద్రాలు ఏర్పాటు చేసి, ప్రజలను సురక్షిత ప్రాంతాలకు తరలిస్తున్నారు.
ప్రజలు అవసరమైనప్పుడు మాత్రమే ప్రయాణాలు చేయాలని, పరిస్థితులు సాధారణ స్థితికి వచ్చిన తర్వాత మాత్రమే ప్రయాణాలను పునరుద్ధరించాలని అధికారులు సూచించారు. రైల్వే శాఖ ప్రయాణికులకు సహాయం అందించడానికి ప్రత్యేక హెల్ప్‌లైన్ నంబర్లను కూడా అందుబాటులో ఉంచింది.
Reference Links (Official Updates)
