నావిగేషన్ యాప్ అంటే మనకు ముందుగా గుర్తొచ్చేది గూగుల్ మ్యాప్స్. కానీ ఇప్పుడు భారతీయులు తయారు చేసిన మరో అద్భుతమైన యాప్ — మ్యాపుల్స్ (Mappls) — వినియోగదారులను ఆకర్షిస్తోంది.ఈ యాప్‌ని మ్యాప్ మై ఇండియా కంపెనీ రూపొందించింది. భారతదేశ రోడ్లు, ట్రాఫిక్ పరిస్థితులను దృష్టిలో ఉంచుకుని దీనిని డిజైన్ చేశారు.ఇప్పుడు ఈ యాప్‌లో ఉన్న టాప్ 5 ఫీచర్స్ గురించి తెలుసుకుందాం
మ్యాపుల్స్ పిన్ – ప్రతి చోటుకు డిజిటల్ చిరునామా
ఈ ఫీచర్ వల్ల భారత్‌లోని ఏ ప్రాంతానికైనా సరిగ్గా చేరుకోవచ్చు. ఇది ఒక డిజిటల్ పిన్ కోడ్ లాంటిది.మన దేశంలో చిరునామాలు, పిన్ కోడ్లు పూర్తి వివరాలు లేక ఇబ్బంది పెడతాయి. కానీ ఈ పిన్ ఫీచర్‌తో సరిగ్గా స్థానాన్ని గుర్తించి అక్కడికి చేరుకోవడం సులభం అవుతుంది.ఇది గూగుల్ ప్లస్ కోడ్‌లా పనిచేస్తుంది.
టోల్ & ట్రిప్ కాలిక్యులేటర్ – ప్రయాణ ఖర్చు ముందుగానే తెలుసుకోండి
మ్యాపుల్స్ యాప్‌లో టోల్ అండ్ ట్రిప్ కాలిక్యులేటర్ అనే సౌకర్యం ఉంది. దీని ద్వారా ప్రయాణానికి ఎంత ఇంధనం, టోల్ ఖర్చు అవుతుందో ముందుగానే అంచనా వేయవచ్చు.
ఇది లాంగ్ ట్రిప్స్, ట్రక్ డ్రైవర్లు, క్యాబ్ డ్రైవర్లుకి చాలా ఉపయోగపడుతుంది.
3డీ వ్యూ – గందరగోళం లేకుండా సులువైన మార్గం
కొత్త నగరాల్లో ప్రయాణించే వారికి ఫ్లైఓవర్లు, జంక్షన్లు, క్రాస్ రోడ్స్ వద్ద కన్‌ఫ్యూజన్ ఉంటుంది.కానీ మ్యాపుల్స్‌లోని 3డీ జంక్షన్ వ్యూ ఫీచర్ ద్వారా వీటిని క్లియర్‌గా చూడవచ్చు.ఇది ISRO సహకారంతో తయారు చేయబడింది కాబట్టి దారులు చాలా కచ్చితంగా చూపిస్తుంది.
లైవ్ ట్రాఫిక్ టైమర్ – ట్రాఫిక్ సిగ్నల్
కౌంట్‌డౌన్మ్యాపుల్స్‌లో AI ఆధారిత లైవ్ ట్రాఫిక్ టైమర్ కూడా ఉంది. ప్రస్తుతం ఇది బెంగళూరులో అందుబాటులో ఉంది.దీని సాయంతో రెడ్ లేదా గ్రీన్ లైట్ వచ్చే సమయాన్ని ముందుగానే చూడవచ్చు.
రోడ్ అలర్ట్స్ – సురక్షితమైన ప్రయాణం
రోడ్లపై ఉన్న గొయ్యిలు, స్పీడ్ బ్రేకర్లు, పనులు జరుగుతున్న రహదారులు వంటి వివరాలను ముందుగానే తెలిపే రోడ్ అలర్ట్స్ ఫీచర్ కూడా ఉంది.ప్రత్యేకంగా కొత్త మార్గాల్లో ప్రయాణించే వారికి ఇది చాలా ఉపయోగకరం.ఇన్ని అద్భుతమైన ఫీచర్లు ఉన్న మ్యాపుల్స్ యాప్‌ను మీరు కూడా ఒకసారి ప్రయత్నించండి.భారతీయులు తయారు చేసిన ఈ యాప్ ఇప్పుడు గూగుల్ మ్యాప్స్‌కి నిజమైన పోటీగా నిలుస్తోంది
