Top 5 Mutual Funds for 2025 (టాప్ 5 మ్యూచువల్ ఫండ్స్ 2025)
అందరికి నమస్కారం 🙏
నేను మీ DKTV తెలుగు నుండి మాట్లాడుతున్నాను.
ప్రతిరోజూ మేము మీకు స్టాక్ మార్కెట్, బంగారం, వెండి, మెటల్ ధరలు, ప్లాస్టిక్ మరియు పెట్టుబడులకు సంబంధించిన తాజా సమాచారాన్ని అందిస్తున్నాం.
ఈరోజు మనం , పెట్టుబడి ప్రపంచంలో ఎప్పుడూ హాట్ టాపిక్‌గా ఉండే టాప్ 5 మ్యూచువల్ ఫండ్స్ 2025(Top 5 Mutual Funds for 2025 ) గురించి పూర్తిగా తెలిసుకుందాం .
ప్రస్తుత కాలంలో చాలా మంది “ఏ మ్యూచువల్ ఫండ్‌లో పెట్టుబడి పెట్టాలి ?”, “ఎది మంచి లాభం ఇస్తుంది?”, “రిస్క్ తక్కువగా ఉండేది ఏది?” అనే ప్రశ్నలు వేస్తున్నారు.అందుకే ఈ రోజు మనం 2025లో పెట్టుబడిదారులకు మంచి రాబడులు ఇచ్చిన టాప్ 5 మ్యూచువల్ ఫండ్స్ గురించి వివరంగా తెలుసుకుందాం.ఇవి మార్కెట్లో నమ్మకనైనవి మాత్రమే కాకుండా, దీర్ఘకాలంలో స్థిరమైన రాబడులను ఇచ్చే అవకాశమున్న ఫండ్స్ కూడా.మీరు పెట్టుబడిలో కొత్తవారైనా, ఇప్పటికే SIPలు ప్రారంభించిన వారైనా, ఈ వ్యాసం మీకు ఉపయోగకరంగా ఉంటుంది.చివరివరకు చదవండి — మీ పెట్టుబడిని ఎక్కడ పెట్టాలో, ఏ ఫండ్ మీకు సరిపోతుందో స్పష్టమైన అవగాహన కలుగుతుంది.
భారతీయ పెట్టుబడిదారులకు మ్యూచువల్ ఫండ్స్ ఒక సురక్షితమైన మరియు స్థిరమైన పెట్టుబడి మార్గంగా మారాయి.
ఇవి నేరుగా స్టాక్ మార్కెట్లో పెట్టుబడి పెట్టకుండా, నిపుణుల చేతిలో మీ డబ్బును పెట్టే ఒక సరైన మార్గం.
2025లో మార్కెట్ పెరుగుదల, ఇన్ఫ్రాస్ట్రక్చర్ విస్తరణ, మరియు కొత్త ఆర్థిక విధానాల వల్ల మ్యూచువల్ ఫండ్స్ రాబడులు మరింత పెరుగుతున్నాయి. కాబట్టి ఇప్పుడు మనం ఈ సంవత్సరములో అద్భుతంగా ప్రదర్శిస్తున్న టాప్ 5 మ్యూచువల్ ఫండ్స్, వాటి లక్షణాలు, లాభాలు, ఏవిధముగా ఉన్నాయో చూద్దాం.
Bandhan Small Cap Fund (Direct – Growth)
టాప్ 5 మ్యూచువల్ ఫండ్స్ 2025 లో(Top 5 Mutual Funds for 2025 ) ఇది ప్రధమ స్థానంలో ఉంది ‘
బంధన్ స్మాల్ క్యాప్ ఫండ్ ప్రస్తుతం మార్కెట్లో అగ్రస్థానంలో ఉన్న మ్యూచువల్ ఫండ్లలో ఒకటి.
ఈ ఫండ్ ప్రధానంగా చిన్న కంపెనీల (Small Cap) షేర్లలో పెట్టుబడి చేస్తుంది. చిన్న కంపెనీలు సాధారణంగా వేగంగా ఎదుగుతాయి, అందువల్ల ఎక్కువ రాబడులు పొందే అవకాశం ఉంటుంది. అలానే చిన్న కంపినీలు వేగంగా పడిపోయే అవకాశం కూడా ఉంది.
ఈ ఫండ్ గత 5 సంవత్సరాల కాలంలో 32% వరకు వార్షిక సగటు రాబడి (CAGR) అందించింది.
అయితే, ఈ ఫండ్‌కి రిస్క్ కూడా కొంత ఎక్కువే ఉంటుంది, ఎందుకంటే చిన్న కంపెనీలు మార్కెట్ మార్పుల ప్రభావానికి సులభంగా గురవుతాయి.కాబట్టి ఎక్కువకాలం పెట్టుబడిదారులు — అంటే కనీసం 5 నుండి 7 సంవత్సరాలు పెట్టుబడి ఉంచగలవారు , ఈ ఫండ్‌లో పెట్టుబడి చేయడం మంచిది . తక్కువ సమయం ఉంచే వారికి ఇది మంచిది కాదు మీరు పెట్టుబడి పెట్టిన సమయం లో పెరగవచ్చు లేదా తగ్గవచ్చు .
ముఖ్య గమనిక :
అధిక రాబడుల అవకాశాలు
హై రిస్క్, లాంగ్ టర్మ్ ఇన్వెస్ట్‌మెంట్‌కి అనుకూలం
యువ పెట్టుబడిదారులకు ఉత్తమం
Motilal Oswal Large & Midcap Fund (Direct – Growth)
టాప్ 5 మ్యూచువల్ ఫండ్స్ 2025 లో(Top 5 Mutual Funds for 2025 ) ఇది రెండవ స్థానంలో ఉంది .
ఈ ఫండ్ పెద్ద (Large Cap) మరియు మధ్యస్థ (Midcap) కంపెనీల షేర్లలో పెట్టుబడి చేస్తుంది.ఇది రిస్క్ మరియు రాబడుల మధ్య మంచి సమతౌల్యాన్ని ఉంచుతుంది.ఈ ఫండ్ గత 5 సంవత్సరాల్లో సుమారు 30% వార్షిక రాబడి ఇచ్చింది, అంటే ఇది స్థిరంగా మరియు విశ్వసనీయంగా ఉంది.
లార్జ్ క్యాప్ కంపెనీలు సాధారణంగా స్థిరమైన లాభాలు ఇచ్చే సంస్థలు — ఉదాహరణకు HDFC Bank, Infosys, ICICI Bank మొదలైనవి.
మిడ్‌క్యాప్ కంపెనీలు మరోవైపు అభివృద్ధి దశలో ఉండి, మరింత పెరుగుదల చూపే అవకాశం కలిగి ఉంటాయి.
ఈ ఫండ్‌లో రెండింటినీ కలిపి పెట్టుబడి చేయడం వల్ల రిస్క్ తక్కువగా ఉంటుంది మరియు రాబడులు మంచి స్థాయిలో ఉంటాయి.
ముఖ్య గమనిక :
మధ్యస్థ రిస్క్, స్థిరమైన రాబడులు
Balanced portfolio (Large + Mid cap mix)
3–5 సంవత్సరాల పెట్టుబడికి అనుకూలం
Invesco India Mid Cap Fund (Direct – Growth)
టాప్ 5 మ్యూచువల్ ఫండ్స్ 2025 లో(Top 5 Mutual Funds for 2025 ) ఇది మూడవ స్థానంలో ఉంది .
ఇన్వెస్కో ఇండియా మిడ్‌క్యాప్ ఫండ్ మార్కెట్లో మధ్య రిస్క్ మరియు మధ్య రిటర్న్ ప్రొఫైల్ కలిగిన ఫండ్‌గా ప్రసిద్ధి.
ఇది మధ్య తరహా కంపెనీలలో పెట్టుబడి చేస్తుంది — అంటే ఇప్పటికే స్థిరంగా ఎదుగుతున్న కానీ ఇంకా ఎక్కువ అవకాశాలు ఉన్న కంపెనీలు.ఈ ఫండ్ గత ఐదు సంవత్సరాల్లో సుమారు 29.8% వార్షిక రాబడి (CAGR) ఇచ్చింది.
ఈ ఫండ్ యొక్క ప్రధాన బలమైన అంశం దీని డైవర్సిఫికేషన్ — ఇది ఆటోమొబైల్, ఫైనాన్స్, ఇన్ఫ్రా, ఫార్మా వంటి విభిన్న రంగాల్లో పెట్టుబడి చేస్తుంది.దీని వల్ల ఒక రంగం పనితీరు తగ్గినా, మరో రంగం బాగా పనిచేయడం ద్వారా మొత్తం మీద పెద్దగా ఎఫెక్ట్ ఉండదు .
ముఖ్య గమనిక :
Midcap segmentలో అగ్రస్థానంలో ఉంది
దీర్ఘకాల పెట్టుబడికి సరైన ఎంపిక
Moderate risk, higher potential returns
ICICI Prudential Infrastructure Fund
టాప్ 5 మ్యూచువల్ ఫండ్స్ 2025 లో (Top 5 Mutual Funds for 2025 )ఇది నాల్గవ స్థానంలో ఉంది .
భారతదేశంలో ఇన్ఫ్రాస్ట్రక్చర్ రంగం వేగంగా అభివృద్ధి చెందుతుంది . రోడ్లు, విద్యుత్, రైల్వేలు, గృహనిర్మాణం వంటి రంగాల్లో ప్రభుత్వ పెట్టుబడులు పెరుగుతున్నాయి.ఈ నేపథ్యంలో ICICI ప్రూడెన్షియల్ ఇన్ఫ్రాస్ట్రక్చర్ ఫండ్ పెట్టుబడిదారులకు మంచి అవకాశాన్ని అందిస్తోంది.
ఈ ఫండ్ ప్రత్యేకంగా ఇన్ఫ్రాస్ట్రక్చర్ రంగంలోని కంపెనీలలో పెట్టుబడి చేస్తుంది — ఉదాహరణకు Larsen & Toubro, NTPC, IRCON, PowerGrid వంటి సంస్థలు.
దీర్ఘకాలిక దృష్టితో పెట్టుబడి చేస్తే, ఈ రంగం పెరుగుదలతో పాటు ఫండ్ రాబడులు కూడా బలంగా పెరగవచ్చు.
కానీ ఇన్ఫ్రా రంగం కొంత వోలటైల్ కావచ్చు కాబట్టి, కనీసం 3–5 సంవత్సరాలపాటు డబ్బు ఉంచగలవారికి మాత్రమే ఇది సరిపోతుంది.
ముఖ్య గమనిక :
ఇన్ఫ్రా రంగంలో పెట్టుబడి చేసే ప్రత్యేక ఫండ్
లాంగ్ టర్మ్ ఇన్వెస్టర్లకు ఉత్తమం
Moderate to high risk
SBI PSU Equity Fund
టాప్ 5 మ్యూచువల్ ఫండ్స్ 2025 లో (Top 5 Mutual Funds for 2025 )ఇది ఐదవ స్థానంలో ఉంది .
SBI PSU ఈక్విటీ ఫండ్ ప్రధానంగా ప్రభుత్వ రంగ సంస్థలలో పెట్టుబడి చేస్తుంది — ఉదాహరణకు SBI, ONGC, Coal India, NTPC వంటి సంస్థలు.PSU కంపెనీలు ప్రభుత్వ ఆధీనంలో ఉండటంతో వాటి రిస్క్ ప్రొఫైల్ తక్కువగా ఉంటుంది, కానీ లాభాలు స్థిరంగా ఉంటాయి.ఇటీవల ప్రభుత్వం PSU రంగాన్ని బలోపేతం చేయడానికి పలు సంస్కరణలు చేపట్టడంతో, ఈ ఫండ్ రాబడులు కూడా పెరిగాయి.
2024–2025లో ఈ ఫండ్ సుమారు 26–28% వార్షిక రాబడులు ఇచ్చింది.
ఈ ఫండ్ మధ్యస్థ రిస్క్‌తో కూడిన స్థిరమైన రాబడులు కోరుకునే ఇన్వెస్టర్లకు సరైనది.
ముఖ్య గమనిక :
PSU రంగం ఆధారంగా స్థిరమైన పెరుగుదల
మధ్యస్థ రిస్క్, స్థిరమైన రాబడులు
Government-backed companiesలో పెట్టుబడి
పెట్టుబడి ముందు తెలుసుకోవలసిన సూచనలు
మ్యూచువల్ ఫండ్స్ ఎంచుకునేటప్పుడు కేవలం రాబడులను మాత్రమే కాకుండా, రిస్క్, ఫండ్ మేనేజర్ అనుభవం, ఖర్చు నిష్పత్తి (Expense Ratio), AUM వంటి అంశాలను గమనించాలి.
ఎక్కువ కాలం పెట్టుబడి లక్ష్యాలున్న వారికి SIP (Systematic Investment Plan) ద్వారా మ్యూచువల్ ఫండ్స్‌లో పెట్టుబడి చేయడం మంచి ఎంపిక.ఇది చిన్న మొత్తాలతో పెట్టుబడిని ప్రారంభించే అవకాశం ఇస్తుంది మరియు మార్కెట్ వడిదుడుకులను తగ్గిస్తుంది.
గమనిక :
టాప్ 5 మ్యూచువల్ ఫండ్స్ 2025(Top 5 Mutual Funds for 2025 )ఈ సమాచారం కేవలం విద్యాపరమైనది మాత్రమే. ఇది పెట్టుబడి సలహా (Investment Advice) కాదు.
పెట్టుబడి చేసే ముందు మీ ఫైనాన్షియల్ సలహాదారుని సంప్రదించడం మంచిది.ముఖ్యముగా గమనించవసిన విషయం మార్కెట్ రిస్క్ ఆధారంగా లాభాలు వచ్చే అవకాశం ఉంది .
